قصيدة مش عارف.......؟

مش عارف

مش عارف أنا عايز إيه ؟
ولا عارف أنا عايش ليه ؟
ولا عارف ايه تكون أهدافي ؟
أو أكمل في اللى انا فيه

حاجات كتير راح اجربها
لكن عارف اني هسيبها
ما أنا بعملها وانا مش عارف
ولا يوم اصلي كنت حاببها

بدي كثير وعود في وعود
للتوهان لا يمكن أعود
من دلوقتي انا هعرف هدفي
بس شوية وبرجع أعود

اصل انا عارف نفسي كويس
عايز ابقي البيه والريس
من غير ما اتعب واشغل نفسي
بامور تافهة وهابقي مهيس

ايوة انا ريس ايوة انا بيه
ايوة انا ناجح هتعب ليه ؟
اتعب ليه وانا واحد باشا
وكمان عارف بعمل ايه

عارفين بعمل ايه

بحلم واحلم من غير ما اصحي
احقق حلمي وابدا صفحة
جديدة نضيفة مفيهاش وهم
بس دا كله جوا الحلم

اذكروا كل من له تعب في المحبة
فادي المصري
كتبتها في 16/3/2010م