قصيدة بدر التمام

مصر في بداية الكلام امي في بدر التمام
بلد الامن والسلام بس دا مجرد كلام
ليه يا امي تحرميني اوفي عهدي ويا ديني
اجي اصلي تقتليني تملأتي بيوتي دموع
ليه كل ما اجي ابوسك الاقي شوك في خدودك
فين ايام جدودك اللى عمروا كل الربوع
ليه يا مصر تكسفيني في البلاد تغربيني
انسى اهل وانسي ديني واعيش ايامي موجوع
ليه يا مصر مع ان حبك زي دمي بيجري في
ليه تقابلي حبي بكرهك لاهلي وناسي وكل ماليا
ليه يا مصر تسيبي اخ ينهش في لحم اخوه
مع ان الاصل واحد وابوه اخو ابوه
ليه يا مصر بتطرديني وانتي حاضنة ناس كتير
لبناني عراقي وفلسطيبني وانا ابنك عايش فقير
ليه يا مصر مستغرباني مع اني مولود هنا
ليه دايما فيكي وحداني ولا شايف فيكي هنا
رغم دا كله يا امي انتي لسة جوا قلبي
واخدة مكانة عزيزة قوية يا ايجبتوس يا مصر يا امي
اذكروني في صلواتكم
فادي المصري

» قصيدة مش عارف.......؟
» قصيدة لحد امتي
» قصيدة نفسي اصرخ
» قصيدة ست البنات للدكتور بشرى عجبان